Претседателот на ФСФ: Бензема направи глупост како магаре

Фудбалерот на Реал Мадрид Карим Бензема е во одлична форма во дресот на Реал Мадрид, меѓутоа колку и добро да игра во дресот на „кралевите“ тој е непожелен во неговата репрезентација.

Дека Бензема никогаш повеќе нема да игра за Франција потврди и претседателот на Фудбалската федерација на Франција, Ноел Ле Грат.

„Нема сомнение дека Бензема е одличен играч, навистина е квалитетен. Со сигурност можам да кажам дека е еден од најдобрите напаѓачи во светот, но за него вратата во репрезентацијата е затворена“, изјави Ле Грат.

Како што е познато Бензема не е во репрезентацијата поради скандалот со Матија Валбуена пред неколку години.

„Бензема тогаш направи глупост како магаре. Поради тоа што го направи тој не е омилен во националниот тим“, јасно порача Ле Грат.

Интересно е што во анкетата која ја направија реномираните француски медиуми „Л’Екип“ и „Франс Фудбал“ дури 68% од испитанците гласаа Бензема да се врати во репрезентацијата.