Претседателот на Лион потврди дека го посакува Годин

Дефанзивецот на Интер, Диего Годин кариерата би можел да ја продолжи во Франција.

Уругваецот пристигна во Интер како големо засилување, но тој епитет не го оправда и најверојатно ќе ја напушти Меаца.

Со Годин се поврзуваат неколку клубови, од Тотенхем до Евертон, но 34-годишниот дефанзивец на крајот може да заврши во Франција, поточно во Лион.

Дека не се во прашање само шпекулации потврди и претседателот на овој клуб Жан Мишел Ола.

„Годин е на листата желби, но не е единствен.“ – порача Ола.

Доколку сака кариерата да ја продолжи во Лион, Годин ќе мора да ги намали финансиските побарувања бидејќи францускиот клуб тешко дека ќе се согласи за плата од пет милиони евра, која ја заработува во Интер.