Претседателот на Интер се огласи и испрати порака до Икарди

Иако неодамна имаше најави од италијанските медиумите дека наскоро ќе дојде помеѓу примрије помеѓу Интер и Икарди, тоа сепак изгледа се уште го нема.

Икарди заедно со својата сопруга и агент, Ванда Нара влезе во судир со управата на Интер поради новиот договор. Поради одолговлекувањето со потпишувањето на договорот Интер и му ја одзема капитенската лента на Икарди, а од тој момент Икарди е надвор од тимот.

Фудбалерот тврди дека е повреден, но Интер после медицинскиот преглед кој беше направен од страна клубот не беа пронајдени знаци на повреда. Интер тоа го објави на својот официјален сајт.

Сега во јавноста на оваа тема зборуваше претседателот на Интер, Жанг. Жанг испрати порака до Икарди дека во Интер се почитуваат и ценат вредностите.

„Овој клуб има некои посебни вредности и тие се почитуваат, поради тоа сум навистина горд. Во еден клуб многу е важно а се има почит, заедништво и се да функционира како во едно семејство. Освен на теренот сакаме да бидеме силни и надвор од него поради тоа дисциплината и организацијата се неопходни. Од самиот момент кога дојдов во клубот нашите намери се јасни – Интер да биде еден од најуспешните клубови во светот“, изјави Жанг.

Инаку, Икарди медиумите го поврзуваат со заминување, а најблиску до неговиот потпис изгледа е Јувентус. Интересно е што пред стадионот на Јувентус веќе можат да се видат дресови од Икарди (фото), секако не во официјалниот фан шоп.