Преговорите меѓу Маунт и Челзи во ќорсокак

Преговорите помеѓу Челзи и Мејсон Маунт за продолжување на договорот се во застој, пренесуваат италијанските медиуми.

Двете страни долго време водат преговори, но без особен прогрес, бидејќи никој не сака да отстапи од своите позиции.

24-годишниот играч за врска, кој две години по ред беше избран за најдобар играч на Челзи, е еден од најмалку платените фудбалери на „Стенфорд Бриџ“.

Тој настојува на значително зголемување на платата како неговите колеги од репрезентацијата, односно 200.000 фунти неделно.

Челзи му нуди 7-годишен договор, но со помала плата од онаа која ја бара Маунт во моментов, па двете страни се далеку од договор. Ситуацијата будно ја следат Манчестер Јунајтед и Ливерпул, кои се силно заинтересирани за Англичанецот.