Правилото кое предизвика дилеми кај многумина: Зошто е признат овој погодок на „Олд Трафорд“? (ВИДЕО)

Голот на Алан Џагоев за ЦСКА го шокираше Манчестер Јунајтед на „Олд Трафорд“ и поведе со 1:0 во последното, шесто коло во ЛШ.

„Црвените ѓаволи“ се подобри во меѓусебните дуели со руската екипа, како и со Базел, па не стравуваа за преминот во следната фаза на натпреварувањето.

Меѓутоа, готиснкиот погодок предизвика сомнежи помеѓу љубителите на фудбалот.

Во првата минута од судиското продолжение во првото полувреме, Русите стигнаа до водство по ударот на Витињо којго погоди Џагоев во грбот, а топката заврши во мрежата. Интересно, пред неговиот удар, Блинд со лизгачки старт на десната страна настапи се со цел да го спречи ударот.

Во тој момент, додека Холанѓанецот беше во гол-аутот, Џагоев ненамерно заби, иако сакаше да се повлече бидејќи мислеше дека се наоѓа во офсајд.

Сепак, според правилата се додека главниот судија на натпреварот не даде дозвола на еден фудбалер да го напушти теренот, тој е дел од натпреварот. Поради ова Блинд се сметаше за последен фудбалер во одбраната „ѓаволите“.