По повод случајот „Брозовиќ-Ванда“ се огласи адвокатот на Хрватот

Во Италија повторно се зборува за скандалот кој неодамна како „бомба“ одекна на Апенините.

Имено, во медиумите се појави вест дека играчот од средината на Интер, Марсело Брозовиќ и сопругата на капитенот на Интер, Мауро Икарди, Ванда имале афера.

Познато е дека Икарди такво нешто му направи на својот сонародник Макси Лопез кој тогаш беше во врска со Ванда Нара, па поради тоа оваа приказна за госпоѓицата Нара и Брозовиќ беше сфатена и тоа како сериозно.

Сега, Брозовиќ во медиумите негира и тврди дека станува збор за измислени вести. За медиумите во име на Брозовиќ зборуваше адвокатот на Хрватот.

„Марсело ги оспорува и негира овие измислени вести поврзани со сопругата на неговиот соиграч, Ванда Нара кои се појавија неодамна. Никогаш не постоел никаков однос или било што помеѓу Брозовиќ и Нара. Брозовиќ сака да расичсти со ваквите работи и поради тоа ќе започне судска постапка против оние кои во јавноста пласираа вакви невистини“, изјави адвокатот на фудбалерот.