Иван Јуриќ одигра одлична сезона во Серија А со својата Верона, а хрватскиот стратег посебно е во центарот на вниманието откако вчера со својот тим одигра 1:1 против Наполи и така го испрати Јувентус во Лигата на шампионите.
„Тутоспорт“ весникот со седиште во Торино сега ексклузивно пишува дека Јуриќ после бројни телефонски разговори се договорил наредната сезона да работи во овој град, како тренер на Торино.
Кој ќе тепа на Ел Класико!? ↓↓↓
Последниот состанок наводно бил одржан еден ден пред гостувањето на Верона кај Наполи. На тој состанок присуствувале агентот на Јуриќ и луѓе од раководството на Торино. Главната работа која се договорала на тој состанок биле парите. На крајот Торино на Јуриќ му понудил сума од два милиони евра годишно и таа понуда била прифатена. Сега преостанува раскинување на договорот со Верона затоа што со овој клуб има важечки договор до 2023.
Јуриќ во Италија е познат како тренер кој одлично работи со малите клубови, со Верона оваа сезона заврши на 10. позиција што за овој клуб секако е одличен резултат.
Учество во игри на среќа е дозволено за лица со 18+ години. Играј одговорно!