После неуспехот Видал преку Твитер се откажа од Чиле!

Ѕвездата на Баерн Минхен, Артуро Видал го објави крајот на својата репрезентативна кариера, откако Чиле не успеа да се квалификува за Светското првенство во Русија.

30-годишниот играч за врска својата одлука ја соопшти преку социјалната мрежа Твитер.

„Многу благодарам на сите за сè. Во овие години го давав живот во секој натпревар. Научив многу, научив дека една земја која не е толку силна, со труд може да постигне успех. Душата ми е уништена, но во исто време сум горд на овие играчи и стручниот штаб“, напиша Видал.

Видал одигра 95 натпревари за националниот тим на Чиле и постигна 23 гола.