После Германија, Аргентина и Франција го завршија настапот на фудбалскиот турнир на ОИ

Oткако Германија се соочи со елиминација, фудбалскиот турнир на ОИ во Токио го завршија Аргентина и Франција.

Франција доживеа вистински дебакл од Јапонија 0:4, додека Мексико со победата од 3:0 го обезбеди пласманот во наокаут фазата.

Аргентина не изгуби и одигра 1:1 со Шпанија, меѓутоа отпаднаа поради победата на Египет против Австралија со 2:0. „Фараоните“ имаа полош меѓусебен дуел, но продолжуваат понатаму поради подобрата гол разлика.

„Гаучосите“ беа елиминирани најмногу поради поразот од Австралија со 2:0, па така олимписките шампиони од 2004 и 2008 нема да се борат за медал во Токио.

Во четвртфиналето во недела ќе се сретнат: Шпанија – Брегот на Слоновата Коска, Јапонија – Нов Зеланд, Бразил – Египет и Јужна Кореја – Мексико.