Изминатата вечер во НБА лигата беа одиграни осум натпревари.
Кошаркарите на Денвер изгубија од Голден Стејт Вориорси со 116:100. Вориорси сезонава играат далеку под нивото на минатите сезони и се најлош тим во лигата. За Денвер ова беше втор пораз во последните три натпревари.
Шанса да станеш YouTuber! Приклучи се! ↓↓↓
Вориорси подобро го започнаа натпреварот и после првата имаа мала предност, за во наредните две Денвер да го диктира ритамот, во еден момент имаа и 15 поени предност. Сепак, во последната четвртина Вориорси заиграа многу подобро. Наџентси немаа решение во одбраната, па ретрпеа пораз.
Ендру Вигинс ги предводеше Вориорси со 22 поени, 5 скокови и 10 асистенции. Ерик Паскал имаше 22 поени и по 5 скокови и асистенции. Во тимот на Денвер, Никола Јокиќ имаше учинок од 16 поени, 13 скокови и 7 асистенции. Вил Бартон и Пол Милсап уфрлија по 18 поени, Мејсон Пламли 16, а Џамал Мареј 14.
Лејкерси во „Стејплс Центарот“ славеа против Филаделфија со 120:107. Иако Филаделфија подобро започна во продолжение Лејкерси го контролираа натпреварот. Ентони Дејвис постигна 37 поени, 13 скокови и 2 асистенции. Леброн натпреварот го заврши 22 поени, 7 скокови и 14 асистенции.
Фантастичен натпревар во победата на Бруклин Нетс против Бостон после продолжениа (120:129) одигра Карис Лаверт. Лаверт постигна 51 поен и од нив дури 37 беа во последната четвртина и продолжението. Кај Селтикси најдобри беа Џејлен Браун со 22 поени и Кемба Вокер со 21 поен.
НБА резултати:
Шарлот – Сан Антонио 103:104
Бостон – Бруклин 120:129 (пп)
Њу Орлеанс – Минесота 134:139
Оклахома – Клиперси 94:109
Денвер – Голден Стејт 100:116
Феникс – Торнто 114:123
Лејкерси – Филаделфија 120:107
Сакраменто – Вашингтон 133:126