Поради немирите во Каталонија, „Ел Класико“ ќе се игра на „Сантиаго Бернабеу“!?

Напнатата политичка ситуација во Каталонија е причина за шпанската фудбалска федерација да размислува да го смени редоследот на одигрување на дуелите меѓу Реал Мадрид и Барселона.

Според пишувањата на „АС“, Федерацијата предложила големото дерби помеѓу Барселона и Реал кое е на програмата на 26-ти октомври да се игра во Мадрид, наместо на „Камп Ноу“.

Мечот требаше да се игра на Камп Ноу во 13 часот, но Ла Лига им предложила на Барса и Реал мечот да се одржи во Мадрид на Сантијаго Бернабеу, а возвратниот натпревар, во март следната година, да биде на Камп Ноу.

Конечната одлука за евентуалната промена на местото на одигрување на „Ел Класико“ ќе ја донесе Комитететот за натпреварување.