Помошник на Мурињо во Рим ќе му биде легендата на Рома?

Жозе Мурињо од следната сезона ќе ја води Рома, а според последните информации од Италија негов помошник би можел да биде Даниеле Де Роси.

Поранешниот капитен и легенда на римскиот клуб од неодамна е помошник во репрезентацијата на Италија на Роберто Манчини, а сега дел од медиумите во Италија пишуваат дека би можел да се врати во Рим.

Мурињо и Рома наводно се договориле дека клубот нема да троши премногу ова лето, но дека ќе биде доведен нов голман, напаѓач и играч за врска. Се споменува и заминување на одредени фудбалери.

За Мурињо Рома ќе биде втор клуб во Италија откако го водеше Интер во сезоната 2009/2010. Де Роси за Рома играше од 2001 до 2019 година, а се пензионираше минатата година како играч на Бока Јуниорс.