Познато како ќе изгледа Милан со Конте

Италијанските медиуми пренесуваат дека Антонио Конте од следната сезона ќе седне кормилото на Милан.

Наводно Конте постигнал начелен договор со „росонерите“ и на крајот на сезоната ќе го замени Пиоли на клупата, а ќе потпише 3-годишен договор.

Двете страни разговарале и за трнсферите, односно како треба да изгледа тимот со Конте следната сезона, а трофејниот стратег побарал неколку засилувања.

Конте сака да му бидат донесени двајца дефанзивци, односно еден десен бек и еден стопер. Еден играч за врска, а најголема желба е Родриго де Паул од Атлетико Мадрид.

Во нападот бара да му бидат доведени двајца напаѓачи, а најголеми желби се Зиркзе од Болоња и Беџамин Шешко од Лајпциг.

Милан наводно е спремен да му ги исполни желбите и да ги задржи најдобрите фудбалери како Мењан, Тое Хернандес и Леао.