Погба: Подобро е лошо да почнеме, отколку лошо за завршиме!

Манчестер Јунајтед не се наоѓа во добра форма и запиша два порази на првите три меча во Премиер лигата.

Сепак, најскапиот играч на „црвените ѓаволи“, Пол Погба е оптимист и смета дека во иднина ќе дојдат добрите резултати.

„Никој од нас не може да разбере што се случи. Го почнавме натпреварот многу добро, а потоа брзо примивме два гола. Тоа е бизарно. Сите сме во шок. Меѓутоа, мораме да продолжиме да работиме и да се бориме. Ние сме Манчестер Јунајтед и никогаш не се откажуваме“, изјави Погба.

Иако критиките на фановите се се поголеми, Погба смета дека е подобро лошо да се отвори сезоната, отколку лошо да се заврши.

„Навивачите останаа со нас до самиот крај и благодарни сме на тоа. Жал ни е што ги разочаравме, но не заслуживме ваков пораз. Фудбалот може да биде суров понекогаш. Сепак, подобро е лошо да ја отвориме сезоната, отколку лошо да ја завршиме“, заклучи Французинот.