Погба не запира – после Челзи испрати нова провокација до Мурињо

Пол Погба вчера беше централна фигура во дербито од ФА Купот против Челзи и со гол и асистенција обезбеди победа на „црвените ѓаволи“.

Под водство на Солскјер и додека Мурињо беше на клупата Погба е сосема друг играч, а многумина ќе кажат дека Французинот во овие моменти го игра најдобриот фудбал во кариерата.

Погба е вистински лидер на теренот учествува во креирањето акциите, асистира, погодува…

Од доаѓањето на Солскјер на клупата Погба на 12 натпревари постигна девет погодоци и запиша шест асистенции, а беше избиран и седум пати за играч на натпреварот.

После натпреварот со Челзи Погба даде изјава која многумина ќе ја сфатат како провокација до Жозе Мурињо.

„Ние сме Манчестер Јунајтед и секогаш играме на победа. Солскјер дојде тука затоа ѓто знае дека може да ги оствари своите замисли и ние го поддржуваме и во целост му веруваме. Одигравме одлично против Челзи, запишавме уште една тимска победа, нормално дека сме задоволни. Кога Оле верува во нас, ние веруваме во него и му возвраќаме со играта на теренот.

Тимот ми помага да бидам подобар и да го давам најдоброто од себе. Во овие моменти буквално уживаме на теренот“, изјави Погба.

И ова не е прв пат Погба кој беше во лош однос со Мурињо помеѓу редови да испрати порака до поранешниот стратег на Манчестер Јунајтед.

https://www.youtube.com/watch?v=VL5k4JgcC_I