Победа против Војводина за успешен старт на годината за Вардар

Tимот на Вардар ја отвори со победа 2021 година.

Денес во Скопје Вардар беше подобар од Војводина во првиот натпревар во ова натпреварување. Вардар ја доби Војводина со 25:21 (15:10).

Можеше да се види дека Вардар не игра со полна сила, може да се каже дека ова беше еден посилен тренинг пред поголемите предизвици во овој дел од сезоната. Лоша вест може да биде само повредата на Кристијан Дисингер, а нема информации и за Димитар Димитриоски кој имаше еден незгоден доскок во финишот од мечот.

Следен натпревар на Вардар во СЕХА е гостувањето кај Нексе.