ПМФЛ: Шкендија сигурна против Македонија Ѓорче Петров

Поранешниот шампион на Македонија, Шкендија славеше победа против Македонија Ѓорче Петров со 3:1 на отварањето на 30-тото коло во Првата лига.

Со овој триумд Шкендија се доближи до еден бод од Струга со натпревар повеќе. Победата беше најавена уште во 8-та минута кога Наско Милев го отвори резултатот. По нешто повеќе од половина час игра Ерландо Чинари зголеми на 2:0.

Четири минути по голот на Шкендија, Фазли ги врати во игра „лавовите“ намалувајќи на 2:1. Во второто полувреме Кристијан Стојкоски пропушти голема прилика за израмнување, па конечните 3:1 ги постави Флорент Рамадани.