Пирло: Жиру? Добро би ни дошол

Tренерот на Јувентус Андреа Пирло изјави дека неговиот тим не одиграл баш најдобро против Удинезе, но тој е задоволен од победата од 4:1.

Роналдо постигна два, а Киеза и Дибала по еден во победата во првиот натпревар во новата година.

„Не беше тоа најдобриот Јувентус, но овој натпревар добро ни дојде после поразот од Фиорентина. Како што одминуваше времето во натпреварот бевме подобри, на почетокот како да бевме во грч“, изјави Пирло.

Оливие Жиру се поврзува во медиумите па Пирло освен што зборуваше за натпреварот доби и прашање за тоа дали Јувентус ќе се обиде да го доведе.

„Можам да кажам само дека добро би ни дошол“, изјави Пирло и така ја остави вратата за овој трансфер отворена.