Пиоли не ја затвори вратата за Ибрахимовиќ

Милан ги минува едни од најтешките моменти во својата историја и во овој момент се наоѓа на 14-тата позиција во Серија А.

Паоло Малдини и Звонимир Бобан се обидуваат да го доведат Златан Ибрахимовиќ кој сигурно би бил големо засилување, како во нападот, така и како лидер во соблекувалната. „Росонерите“ на 38 годишниот напаѓач му понудија шест милиони евра за 18 месеци.

Со свој коментар за евентуалниот трансфер сега се огласи и тренерот на италијанскиот гигант, Стефано Пиоли.

„Веќе посочив дека Ибрахимовиќ е голем шампион поради неговите технички квалитети, но и поради неговиот професионализам и карактер. Но, во моментов размислувам само на утрешниот меч со Наполи, ќе видеме што ќе донесе пазарот“, истакна Пиоли.