Пике со коментар за оставката на Бартомеу: Одевме само надолу

Заменик капитенот на Барселона, Жерард Пике ја коментираше оставката на претседателот Жосеп Бартомеу.

„Важно беше да има промена, бидејќи е очигледно дека од година во година одиме само надолу. Клубот е таков каков што е. Се наоѓаме во период на промени“, изјави Пике.

„Овој тим има потреба од време, но исто така знаеме дека Барса никогаш не ти дава многу време и секогаш треба да се победува. Доаѓаат нови избори, ќе има нов Борд на директори и промената е важна за клубот да почне да оди на подобро“, додаде Пике.