Педро ја посочи разликата меѓу Барселона и Челзи

Педро има освоени 20 трофеи во кариерата, но главно додека настапуваше во Барселона, од каде во 2015 година се пресели во Челзи.

„Тоа беше неверојатно време кое го поминав во Барселона. Барса е еден од најголемите тимови на светот и таму полесно се освојуваат трофеи отколку во Челзи. Барса ги има најдобрите светски фудбалери како Меси и среќен сум што бев дел од таа приказна“, изјави Педро.

Педро вечеерва може да заигра против својот поранешен тим во осминафиналето од Лигата на шампиони.

„Сега е се поинаку, сега го носам синиот дрес и со гордост можам да кажам дека играм за Челзи. Се надевам дека ќе успееме да ја елиминираме Барселона“, додаде шпанскиот напаѓач.