Официјално: Седлоски се врати во Шкупи

 Гоце Седлоски се врати на клупата на шампионот Шкупи, иако пред само две кола одлучи да го напушти клубот.

 Овојпат тој доаѓа заедно со Арбен Нухиу како прв асистент. Оваа одлука е донесена откако раководството не можеше да пронајде подобро решение по заминувањето на Седлоски.

Седлоски ќе се обиде да ја врати екипата кон посакуваните резултати, а следниот лигашки меч ќе го има за два дена дома против Работнички.

„Почитувани фанови, ве известуваме дека нов тренер на Шкупи ќе биде Гоце Седлоски додека како негов прв помошник ќе биде клупската легенда Арбен Нухиу. Заедно со нив на функцијата претседател на клубот се враќа и Суат Алија“, стои во соопштението на Шкупи.