Официјално: Пиоли доби отказ од Милан!

Се најавуваше дека Стефано Пиоли ја одработува последната сезона на клупата на Милан, а сега тоа и официјално е потврдено.

Договорот на Пиоли со Милан беше до јуни 2025 година, меѓутоа двете страни сега одлучија дека е време за разделба. На клупата на Милан Пиоли пристигна во октомври 2019 година како привремено решение, но по добрите резултати доби долгорочен договор.

Во сезоната 2021/2022 успеа да на Милан да му го донесе и Скудетото на кое клубот чекаше цели 11 сезони.

Засега се уште не е потврдено кој ќе биде новиот тренер на „росонерите“, но за најголем фаворит важи Пауло Фонсека.