Официјално: Коста доби жестока казна – сезоната за него е завршена!

Напаѓачот на Атлетико Мадрид, Диего Коста е жестоко казнет од страна на раководството на Ла Лига.

Искусниот напаѓач беше исклучен во 28-тата минута против Барселона откако испрати пцовки на сметка на главниот судија Гил Манзано.

„Да и се се*ам на твојата еб*на мајка“, извикуваше Коста додека беше внесен во лицето на Манзано.

Тоа на крајот ќе го плати со жестока суспензија. Коста доби вкупно осум натпревари и за него оваа сезона е завршена.

Исто така нема да го гледаме ниту во првото коло од наредната сезона, секако доколку остане во шпанското првенство.

Вкупно оваа сеозна Коста настапи на 21 натпревари и постигна пет голови, што е скромен учинок за разлика од она што се очекуваше од него.

Шпанските медиуми пренесуат дека Коста во соблекувалната сфатил што направил, но веќе било доцна да се кае. Наводно, дури и заплакал бидејќи и на него му станало јасно дека ќе добие жестока казна поради дивеењето на теренот.

Исклучувањето го оправда и аргентинскиот стратег на кормилото на Атлетико.

Диего Симеоне после натпреварот дознал што се случувало и призна дека неговиот играч направил голема глупост и дека заслужил да биде исклучен.

Треба да се спомне дека во таа ситуација кога Коста дивееше Жерар Пике се обидуваше да го смири напаѓачот.