Официјално: Барселона се збогува со Маскерано!

После осум години поминати со дресот на Барселона, Хавиер Маскерано го напушта клубот, потврдија денес и официјално Каталонците.

Маскерано кариерата ќе ја продолжи во Кина, иако Барса денес тоа не го потври, туку само најави збогување со Аргентинецот.

Имено, утре во 11 часот на „Камп Ноу“ ќе има специјална церемонија на која ќе биде испратен Маскерано. Ќе присуствуваат сите фудбалери како и претседателот Жозеп Марија Бартомеу.

#ThankYouMaschehttps://t.co/TDLoGrzqmx

— FC Barcelona (@FCBarcelona) January 23, 2018

Бившиот играч на Ливерпул пристигна во Барселоба летото 2010 година и до денес одигра 334 натпревари, притоа освојувајќи 18 трофеи со пет различни тренери.

Од сите странци во историјата на клубот само Лео Меси, Филип Коку и Дани Алвеш имаат повеќе натпревари со каталонскиот дрес од него.