Откриено што му рече Гвардиола на судијата (видео)

Менаџерот на Манчестер Сити, Пеп Гвардиола, беше бесен на крајот од првото полувреме на натпреварот против Ливерпул во Лигата на шампиони.

Веднаш откако судијата означи крај на првото полувреме, Гвардиола влезе во теренот и вербално го нападна шпанскиот арбитер Матео Лахос, обвинувајќи го дека го оштетил неговиот тим.

„Тоа е пенал, гледај на телевизија. Гол и пенал. Затвори си ја устата. Гол и пенал“, викаше Пеп по судијата.

Судијата му покажа црвен картон и го испрати на трибините, а денес УЕФА отвори истрага против каталонскиот стратег.