Откриена причината за честите повреди на Дембеле: Дали е Барселона виновна?

Барселона пред две години плати огромни 145 милиони евра за да го донесе Осман Дембеле од Борусија Дортмунд. Французинот требаше да биде големо засилување, но почесто е во болница отколку на терените.

Дембеле откако пристигна во Барселона доживува серија на повреди, а францускиот весник „Екип“ одлучи постудиозно да испита која е причината поради честите повреди.

Весникот тврди дека режимот на исхрана не е проблем, бидејќи Дембеле има свој личен кувар, кој му го спрема секој оброк според специјално изработен режин.

Сега за повредите не може да се обвинува и ноќниот живот, бидејќи Дембеле во последната години живее мирен живот заедно со својот вујко.

„Екип“ тврди дека најголема причина за честите повреди е методот на тренинзи на Барселона. Имено, само во 20% од тренинзите на Каталонците се вклучени спринтовите, нешто што е многу застапено во играта на Дембеле.

Лесните тренинзи на Барселона не му одговараат на Французинот, па поради тоа често доаѓа до мускулни повреди.