Она од што се стравуваше се потврди: Санчез го очекува долга пауза

Алексис Санчез се повреди на пријателскиот натпревар помеѓу Чиле и Колумбија и според последните информации го очекува долго опоравување.

Алексис ова лето го напушти Манчестер Јунајтед и пристигна на позајмица во Интер каде добро ја започна сезоната. Меѓутоа, повредата дојде во најлош момент за него и се чини дека пред него е нешто подолга пауза.

Чилеанецот утрово направи детални лекарски прегледи кои донесоа лоши резултати. Имено, утврдено е дека се оштетени и лигаментите и ќе биде надвор од теренот околу три месеци.

„Можеби ќе мора да оди на операција, а за тоа ќе одлучат во Интер. Како што стојат работите ќе биде надвор од теренот околу три месеци. Тоа е голема штета со оглед на тоа дека започна добро во Интер и постигна два гола. Беше среќен и мотивиран. Не изгледа добро, но мора да почекаме уште малку.“ – изјави селекторот на Чиле, Риналдо Руеда.