Од Милан после потрошени 194 милиони признаа: Да, погрешивме!

„Росонерите“ изминатото лето сметаа дека го пронајдоа патот до европскиот врв, но тоа не се случи.

Токму големиот број нови фудбалери веројатно е причината за лошите резултати на Милан во домашното првенство, смета директорот на клубот Марко Фасоне.

Милан изминатото лето потроши точно 194 милиони евра на 11 нови фудбалери, а помеѓу нив се Леонардо Бонучи, Никола Калиниќ, Андре Силва и Хакан Чалханоглу.

„Постојат некои работи кои од оваа гледна точка сега не би ги направиле и јасно е дека погрешивме, не мислам на фудбалерите. Да, некои од нив играат под своите квалитети, но невозможно е Бонучи и Биља да не се вратат на нивото од минатата сезона“.

„Дали доведовме премногу фудбалери? Можеби, да. Направивме многу процеки, а на крајот спортскиот директор Мирабели и Монтела ми кажаа дека сакаат да направат големи промени. Ни беше јасно дека тешко можеме да создадеме силен тим во првите неколку месеци“, изјави Фасоне.