Од голгетер вреден 60 милиони евра дојде до тоа за него да нема место и во Србија

Напаѓачот на Реал Мадрид, Лука Јовиќ не се најде на списокот на селекторот на Србија Љубиша Тумбаковиќ за претстојните натпревари.

Србија ја очекува важен натпревар против Литванија во рамките од квалификациите за Европското првенство, а потоа ќе игра пријателски натпревар против Парагвај.

Меѓутоа играчот на Реал Мадрид нема да настапи на овие натпревари со оглед на тоа дека многу се мачи оваа сезона и не е во вистинската форма.

Јовиќ минатата сезона играше одлично за Ајнтрахт Франкфурт и на 48 натпревари постигна дури 27 голови, а ова лето потпиша за Реал.

Сепак, со доаѓањето во Мадрид Јовиќ целосно се изгуби и на шест натпревари во Ла Лига не успеа да постигне ниту еден гол, а на три натпревари воопшто не влезе во игра, тоа беше случај и на последниот натпревар против Гранада.

Исто така Јовиќ на последните четири натпревари за Србија постигна само два гола и сето ова доведе до тоа да отпадне од комбинација за настап против Литванија и Парагвај.