Овој податок покажува колку Јувентус беше лош против Барселона

Jувентус вчера беше поразен на свој терен од Барселона со 0:2 во рамките од натпревар во 2. коло од групната фаза во Лигата на шампионите.

Барселона полесно од очекуваното дојде до победа во Торино. Головите за гостите ги постигнаа Осман Дембеле и Лионел Меси.

И Јувентус успеа три пати да ја затресе мрежата на Каталонците предку Алваро Мората, но Шпанецот во сите три ситуации беше во офсајд и головите беа оправдано поништени. (Ситуациите погледнете ги тука).

Меѓутоа Јувентус од поодамна не бил толку немоќен на свој терен. Јасно е дека на „старата дама“ и фалеа неколку играчи, пред се тука се мисли на Кристиано Роналдо, но екипата изгледаше целосно индиспонирано.

Колку Јувентус беше лош вчера покажува и статистиката. Имено, не сметајќи ги офсајд позициите на Мората играчите на Јувентус не упатиле ниту еден удар во рамките од голот на противникот.

Навистина е тешко да се пронајде податок кога Јувентус последен пат одиграл натпревар без да упати удар во рамките од противничкиот гол.