Објавени кандидатите за МВП на сезоната!

Плејмејкерот на Хјустон, Џејмс Харден, најдобриот играч на Кливленд, Леброн Џејмс, и центарот на Њу Орлеанс – Ентони Дејвис, се финалисти во изборот за најкорисен кошаркар во сезоната 2017/18, соопшти НБА лигата.

НБА ги објави финалистите за сезонските награди за регуларната сезона. „Дебитант на годината“, „Шести играч на годината“, „Дефанзивец на годината“, „Најпрогресивен играч“ и „Тренер на годината“.

Кандидати за тренер на годината се Двејн Кејси, кој неодамна доби отказ од Торонто, Квин Снајдер (Јута) и Бред Стивенс (Бостон), додека во конкуренција за најдобар дефанзивец се Руди Гобер (Јута), Џоел Ембид (Филаделфија) и Ентони Дејвис (Њу Орлеанс).

Дебитант на годината
Донован Мичел (Јута)
Бен Симонс (Филаделфија)
Џејсон Тејтум (Бостон)

Најдобар шести играч
Ерик Гордон (Хјустон)
Фред Ван Флит (Торонто)
Лу Вилијамс (Л.А. Клиперс)