Обамејанг најголем губитник: Потер ги избрал фудбалерите за Лигата на шампионите

Челзи доведе седум засилувања во овој преоден рок, а веднаш потоа медиумите најавуваа дека тренерот Греем Потер ќе биде на „слатки маки“ при изборот на фудбалери кои ќе ги користи за Лигата на шампионите.

Клубовите ќе имаат право на три замени за вториот дел од европската сцена и тоа значи дека Челзи нема да може да пријави четворица од новите играчи.

Според последните информации Потер одлучил пријавени да бидат Енцо Фернандез, Михајло Мудрик и Жоао Феликс кој е на позајмица.

Од трибините натпреварите во најелитното европско натпреварување ќе ги следат Бадијашил, Фофана, Сантош и Мадуеке.

Најголем губитник е Габонецот Пјер Емерик Обамејанг кој е приморан да го отстапи своето место за да има место за трите засилувања. Интересно е што Хаким Зијеш кој беше пред трансфер во ПСЖ и само поради тоа што документацијата не стигна на време остана во Челзи се најде на списокот.