Првиот светски рекет Новак Ѓоковиќ обезбеди пласман во финалето на Австралија Опен.
Тој во денешното полуфинале го порази Французинот Лукас Пуј со 3:0 во сетови, а после натпреварот порача дека ова му е еден од најдобрите настапи во Мелбурн.
Шанса да станеш YouTuber! Приклучи се! ↓↓↓
„Ова дефинитивно беше еден од најдобрите натпревари кои сум ги одиграл во Мелбурн. Се функционираше. Ова е тежок ден за Лукас, но имаше фантастичен турнир зад себе и не треба да биде разочаран.“
Исто така, србскиот тенисер порача дека и тој би купил карта за финалниот натпревар.
„Дефинитивно би купил карта за тој натпревар. Минатиот пат игравме скоро шест часа, што беше незаборавно искуство за мене. Се надевам дека повторно ќе одиграме добар натпревар.“ – додаде Ноле.
Финалето помеѓу Ѓоковиќ и Надал е на распоредот во недела од 9.30 часот.
Инаку, Ѓоковиќ во досегашниот дел од кариерата шест пати ја освои Австралија Опен.
Учество во игри на среќа е дозволено за лица со 18+ години. Играј одговорно!