Новогодишно интервју на Роналдо: За Мајорга, Јувентус, ветувањето кон Алегри, приоритетите…

Кристиано Роналдо ја анализираше својата 2018 година за португалски „Рекорд“ во новогодишното интервју.

На почетокот на интервјуто Роналдо зборуваше за неговиот трансфер од Реал Мадрид во Јувентус вреден 100 милиони евра.

„Овде бев фантастично пречекан. Апослутно сите. Тимот, тренерот, управата како и луѓето од градот. Моето семејство и јас сме навистина среќни тука“.

Португалецот во кариерата пет пати ја освојуваше „Златната топка“, исто колку и Лионел Меси. Оваа година нивната десетгодишна доминација ја прекина Лука Модриќ.

„Индивидуалните награди не се моја опсесија. Приоритет ми е да помогнам на тимот. Останатото доаѓа само. Не мислам на освојувањето на индивидуалните награди, секогаш размислувам само како да напредувам и да станам подобар играч“.

Previous Cristiano quotes taken from his interview with Portuguese newspaper RECORD. pic.twitter.com/yDKaSIsJjm

— Tarek Khatib (@ADP1113) January 2, 2019

„Мојот пресек на 2018 година? Два моменти: Освојувањето на Лигата на шампионите со Реал Мадрид и трансферот во Јувентус каде што бев одлично пречекан“.

Роналдо не сакаше да ја прокоментира можноста за потенцијален натпревар во финалето од Лигата на шампионите против неговиот поранешен клуб.

„Финале Реал Мадрид – Јувентус? Засега мислиме само на влез во четвртфиналето. Мораме да одиме чекор по чекор. Освојување на Лигата на шампионите со Јувентус би било нешто фантастично, но тоа не смее да ни биде опсесија“.

Потоа следуваше и прашање за тешкиот период од неговиот живот и проблемите кој му ги направи Кетрин Мајорга.

„Одвратно. Посебно кога видов колку пати моето семејство од тие болни обвинувања. Останав мирен и сигурен дека се на крајот ќе се расчисти“.

За крајот зборуваше и за тренерот Масимилијано Алегри на кој му ветил дека ќе го реализира секој пенал.

„Спремен сум да го одржам ветувањето. Ме прави среќен што соиграчите и тренерот го ценат мојот допринос. Навистина бев одлично пречекан и сакам да им возвратам за поддршката“, изјави Роналдо.