Нови главоболки за Тухел и Баерн

Баерн Минхен објави дека новото зимско засилување, Саша Бои заработи повреда и ќе ги пропушти следните неколку натпревари.

Бои е најскапо зимско засилување на Баварците за кого платија 30 милиони евра на Галатасарај.

„Баерн ќе биде без Саша Бои во следните неколку недели. Новото зимско засилување се здоби со сериозно скинато мускулно влакно на левата бутина. Ова е резултатот од прегледот кој го направи медицинскиот оддел на Баерн“, стои во соопштението.

Моментално повредени во составот на Баварците се Алфонсо Дејвис, Кингсли Коман, Серж Гнабри, Конрад Лајмер, Даниел Перец и Буна Сар.