Новиот проблем на Јувентус: Федерико Бернардески!

Италијанскиот офанзивец во јануари би можел да го напушти клубот.

Кога Јувентус пред две години на Фиорентина и плати 40 милиони евра за Федерико Бернардески некои веруваа дека може да се повтори ситуацијата со Роберто Баџо. Фиренца не „гореше“ како кога Баџо премина во Јувентус, но тензијата во клубот од Тоскана повторно се почуствува.

Бернардески беше доведен како еден од играчите на кои може да се темели иднината на Јувентус. Во тој момент важеше за можеби најголемиот офанзивец потенцијал на италијанскиот фудбал, Меѓутоа авантурата на Бернардески во Торино не започна онака како што се очекуваше.

Ја започнува веќе третата сезона, а напредок скоро и да нема. Во првата сезона постигна четири гола на 31 натпревар, но дури на 22 влегуваше од клупата. Во минатата сезона доби поголема минутажа, одигра 39 натпревари во сите натпреварувања, стартер беше на 22 од нив, но играше послабо и постигна само три гола.

Со доаѓањето на Маурицио Сари место Макс Алегри ситуацијата за Бернардески уште повеќе се влоши. Новиот тренер одлучи Роналдо да го прфрли на крилото и во шпицот да ги менува Игуаин и Дибала. Сари покажа дека прв избор на страничните позиции ќе му бидат Роналдо и Коста, додека Квардадо ќе биде прв избор за замена, значи за Бернардески останува многу мал простор.

Бернардески доби прилика да биде стартер во Фиренца и одигра многу слабо. После тоа на гостувањето кај Атлетико преседе на клупата, против Верона и Бреша влегуваше во второто полувреме, меѓутоа не покажа ништо.