Нова мета на Вардар за десен бек е српскиот бомбардер и еден од најдобрите стрелци во ЛШ?

Вардар е пред комплетирање на тимот со кој ќе игра наредната сезона.

Засега отворено е уште прашањето на десната бековска позиција, низ медиумите разни имиња се поврзуваа со актуелниот македонски и европски шампион. Најново име на радарот на Вардар е поранешниот српски репрезентативец, Марко Вујин.

36 годишниот леворак бомбардер ја заврши епизодата во Спортинг Лисабон и сега работи на пронаоѓање на куб за наредната сезона. Вујин е еден од најдобрите стрелци во Лигата на шампионите во која играше со Кил и Веспрем.

И покрај богатата кариера Вујин не успеа да го оствари сонот и да ја освои ЛШ.

Вардар сега е во изградба на нов тим после проблемите, па ќе видиме дали ќе има можност за такво нешто, секако ако дојде до негово доаѓање во Скопје.