Ниту „моќниот“ Милан не успеа да ги сопре Џеко и Рома

Рома вечерва на „Сан Сиро“ славеше победа против Милан со 2:0 во рамки на седмото коло од италијанската Серија А.

Ова беше дербито на колото, но натпреварот до кај 60. минута не понуди многу возбудувања.

Почетокот на продолжението на мечот го обележаа Един Џеко и Леонардо Бонучи. Џеко во тие моменти заработи и жолт картон поради приговор кон судијата, но исто така доби и лакт во лице од страна на Бонучи.

Во 72. минута Џеко доби топка од 20тина метри и успеа да го собори Донарума на противничкиот гол.

Флоренци пет минути подоцна го постигнс и вториот погодок за „Римската волчица“.