Нигерија казнета, ФИФА и одзема бод и мора да плати парична казна, но сепак ќе игра на СП

Меѓунардниот фудбалски сојуз (ФИФА) ја казни Нигерија бидејќи во квалификациите за СП 2018 против Алжир во составот имаше играч кој не смееше да настапи на тој натпревар.

Сепак оваа казна не менува ништо. ФИФА ќе и одземе еден бод на оваа репрезентација, но и покрај тоа таа ќе настапува на Светското првенство во Русија.

Во последниот натпревар од групата „Б“ во натпреварот помеѓу Алжир и Нигерија во составот на Нигерија настапи Абдулахи Шеха кој поради претходните жолти картони мораше да биде суспендиран и немаше право за настап.

Поради тој пропуст натпреварот беше регистриран со 3:0, за Алжир, но Нигерија и без тој е еден бод доминантно го освои првото место во групата со 13 бодови, пет повеќе од второпласирана Замбија.

Нигерија доби и казна од 6.000 швајцарски франки.