Не сум лицемер: Надал призна дека сакал Ѓоковиќ да изгуби во финалето

Новак Ѓоковиќ неодамна го освои осмиот Австралија Опен и 17. Грен слем во кариерата. Српскиот тенисер во финалето со 3:2 во сетови го победи Доминик Тим.

Рафаел Надал, Шпанецот кој беше запрен од Тим во четвртфиналето, призна дека во финалето навивал за Тим.

„Не сум лицемер. Секако дека за мене беше подобро Тим да победеше. Меѓутоа да бидам искрен, добро спиев во последните денови и не ми е важно дали победи Новак или Доминик“, изјави Надал кој после победата на Ѓоковиќ остана без првото место.

Ѓоковиќ со триумфот на Австралија Опен му се доближи на Надал на два Грен-слема. Рекордер е Федерер со 20.