Необичен рекорд на Барселона: Ако не може Меси, тука се противниците да помогнат

Барселона во вчерашниот натпревар стигна до необичен рекорд во Лигата на шампионите или подобро кажано стигнаа противниците на Каталонците.

Имено, ниту еден клуб до сега немал толкава помош од своите противници во елитното натпреварување.

Барса со убедливи 4:1 ја победи Рома, но два од четирити погодоци си ги постигнаа фудбалерите на „волчицата“ Де Роси и Манолас и тоа беа првите два погодоци.

Со вчерашните автоголови на Рома се дојде до бројката од пет погодоци кои противниците на Барселона си ги постигнуваа сами. Само Меси постигна повеќе – шест погодоци.

2 – Barcelona top-scorers in the Champions League this season:
6 – Lionel Messi
5 – Own goals
Update. https://t.co/ufdptWQEdt

— OptaJose (@OptaJose) April 4, 2018

Дека не се работи за случајност, потврдува и статистиката од Ла Лига. Противниците на Барселона во Ла Лига често пати сами ја погодуваат својата мрежа. Барселона е тимот кој најмногу профитираше од автоголови оваа сезона, на тој начин стигнаа до три првенствени погодоци, исто како и минатата сезона, а ниту еднаш фудбалерите на Барселона не ја погодиле сопствената мрежа.