По поделбата на бодовите во градското дерби против Атлетико, Реал Мадрид, актуелниот шпански и европски шампион, заостанува 10 бода зад водечката Барселона.
По одличниот крај минатата сезона и победата над Барселона во шпанскиот Супер куп, Реал падна во криза и доколку вака продолжат, веројатно уште пред Божиќ ќе им ја предадат круната на Барселона или пак можеби Валенсија која игра навистина одлично оваа сезона.
Вака се слави гол во 120-та минута!!! ↓↓↓
Една од главните причини за лошите резултати на Реал, освен лошата форма на средниот ред, е реализацијата. Напаѓачкото дуо на Реал, Роналдо и Бензема заедно оваа сезона во лигата постигнаа само два гола. Познато е дека Роналдо се мачи пред голот и дека има катастрофална реализација, но лошата форма на неговиот партнер е дополнителна причина за загриженост на тренерот Зидан.
Но, она што навистина е неверојатно е дека учинокот на Бензема и Роналдо во најсилните лиги го „надминаа“ само напаѓачите на Беневенто, последната екипа во Серија А и најлошата европска екипа на сите времиња која има 13 порази во првите 13 првенствени кола.
Реал сега за сега го држат Марко Асенсио и Иско, кој се најдобрите стрелци во лигата со по четири гола.