Неверојатно: Во Катар продолженијата биле еднакви на седум дополнителни натпревари

Светското првенство влегува во самата завршница, преостануваат уште само четири натпревари. Двете полуфинални средби, натпреварот за третото место и финалето. Една од работите по кои ќе се памети овој Мундијал се долгите продолженија.

Ретко гледавме натпревар со „нормално“ продолжение иако имаше и по неколку такви.

Најмногу продолжение видовме на натпреварот помеѓу Англија и Иран каде што вкупно во првото и второто полувреме се играа рекордни 27 дополнителни минути.

Првите натпревари на Мундијалот ги донесоа и најголемите продолженија, па така во првите четири меча се играа 65 дополнителни минути.

Но, податокот кој го пресметаа статистичарите е навистина неверојатен. Имено, досега ако се соберат сите продолженија во Катар се одиграле дополнителни седум натпревари.