Реал Мадрид заврши многу на трансфер пазарот ова лето кога ја доведе ѕвездата на ПСЖ, Килијан Мбапе како слободен играч.
Французинот пристигна во шпанската престолнина откако му истече договорот, па Реал за него не мораше да им плати отштета на Французите.
Александар Вучковски - сомелиер: Како македонските вина го освојуваат светот? ↓↓↓
Кралскиот клуб следното лето сака да ја повтори стратегијата за доведување ѕвезди без договор, а на врвот на листата на желби се одличните дефанзивци, Алфонсо Дејвис (22) од Баерн Минхен и Трент Александер-Арнолд (25) од Ливерпул.
Дејвис е еден од најдобрите леви бекови, а Трент еден од најдобрите десни бекови во светот.
Заедничко им е тоа што и двајцата влегуваат во последната година од договорите и во 2025 година, според моменталната состојба, би можеле да ја променат средината без надомест. Реал ги сака долго време, но е подготвен да почека уште една година за да заштеди значителни пари.
Реал моментално е добро покриен на бековските позиции, десно ги има Дани Карвахал и Лукас Васкез, а лево Ферландо Менди и Фран Гарсија, но со Дејвис и Трент би се искачиле на повисоко ниво.
Учество во игри на среќа е дозволено за лица со 18+ години. Играј одговорно!