НБА: Јокиќ блиску до трипл-дабл, драмата во Њујојрк ја реши Лавин, Вориорси до нова победа

Изминатата вечер во НБА се одиграа девет натпревари.

Денвер го совлада Бостон со резултат 115:107. Никола Јокиќ одигра уште еден добар натпревар, во кој не постигна премногу поени, но беше блиску до трипл-дабл учинок.

Меѓутоа поени на Јокиќ одлично ги надополни Џамал Мареј кој постигна дури 48 поени од кои 19 во последната четвртина. Исто така од 19 поени на Денвер во првата четвртина Мареј уфрли 14.

Клучни беа некои тројки во последната четвртина кои му обезбедија на Денвер сигурно да го приведе натпреварот кон крајот. Лајлс и Херис имаа по 13 поени, додека во редовите на Денвер двоцифрен беше уште Милисап со 10 поени.

Кајри Ирвинг со 31 поен беше најефикасен во редовите на Бостон со одличен процент на шут 13/17. Браун и Татум имаа по 15 поени, а Хорофорд 12, Хејворд натпреварот го заврши со осум поени и девет скокови.

https://youtu.be/QC73B7bp684

Чикаго Булс после драматичен натпревар и две продолженија славеше победа против Њујорк Никси.

Првото полувреме заврши со резултат 47:47, а после 48 минути игра беше 102:102. На крајот од регуларниот дел Марио Хезоња промаши шут за победа на Никси.

Натпреварот го одлучи Зач Лавин кој во последното продолжение ги постигна сите осум поени за Чикаго, вклучувајќи го слободното фрлање во последната секунда.
Најдобар на натпреварот беше токму Лавин кој стигна до бројка од 41 поен, што е рекорд во неговата кариера.

https://youtu.be/X00uwl1P5HE

Шампионот Голден Стејт стигна до нова победа овој пат протиф Мемфис од 117:101. Најрасположени кај Вориорси беа Клеј Томпсон кој уфрли 27 поени, Дурант додаде 22, а Стеф Кари 19.

Џејмс Харден со 28 поени, шест асистенци и четири скока го предводеше Хјустон до победа против Индијана.

НБА резултати:

Детроит Мајами 115:120 (после продолженија)

Индијана – Хјустон 94:98

Орланд – Кливленд 102:100

Њујорк Никси – Чикаго Булс 115:116 (после продолженија)

Оклахома – Њу Орлеанс 122:116

Денвер – Бостон 115:107

Јута – Торонто 111:124

Голден Стејт – Мемфис 117:101

Лос Анџелес Клиперс – Минесота 120:109