На Тен Хаг му е преку глава, не го сака Роналдо во тимот

Менаџерот на Манчестер Јунајтед, Ерик тен Хег му е преку глава од однесувањето на Кристиано Роналдо, кој не прави ништо за да се извлече од тешката ситуација во која се наоѓа тимот, пишува „Атлетик“.

Роналдо прво ги пропушти предсезонските подготовки на „црвените ѓаволи“ поради „лични причини“. Тој потоа се појави во базата со својот агент и побара трансфер.

Тен Хаг во меѓувреме постојано правеше напори да го убеди Португалецот да остане и се надеваше дека ќе може да смета на него како лидер кој ќе го води тимот во вистинската насока.

Сепак, тоа не се одразува баш најдобро на ситуацијата во соблекувалната. Се вели дека често седи сам за време на ручекот и подалеку од соиграчите. Покрај тоа, тој постојано се жали на тренинзите и се расправа со тренерот поради високиот пресинг што сака да го наметне.

Сето ова предизвика Тен Хаг нагло да го смени ставот за Роналдо и повеќе не го сака во својот тим. Директорите исто така се подготвени да го пуштат да си оди, но прво сакаат да се уверат дека можат да најдат замена за него.