На напаѓачите на ватерполистите на Звезда им се заканува ригорозна затворска казна!

Полицијата ги пронајде напаѓачите на ватерполистите на Црвена Звезда.

Во саботата ватерполисти на Звезда беа нападнати во Сплит од неколкумина хулигани, а еден од ватерполистите за да се спаси морал да скокне и во морето.

Ватерполистите биле удирани со клоци, палки и боксови по телото и им биле барани обележјата Звезда кои ги носеле на себе. Освен тоа биле навредувани со погрдни зборови.

Полицијата откако ги пронајде сторителите работи на расветлување на случајот, а денес медиумите пренесуваат дека затворската казна за ова дело може да изнесува и 12 години.