На двајца сигурно не може да смета – како ќе настапи Алегри во „невозможната“ мисија во Мадрид?

Јувентус пред себе во Лигата на шампионите има невозможна мисија, но сигурно дека Италијанците нема да се предадат пред време.

Ждребот сакаше во ¼ финалето од најелитното европско натпреварување да се сретнат минатогодишните финалисти Јувентус и Реал Мадрид. „Кралевите“ во првиот натпревар во Торино славеа со високи 0:3 и сега пред „старата дама“ е според фудбалската јавност, невозможна мисија.

Реваншот во Мадрид на програмата е во среда од 20:45 часот, а Масимилијано Алегри нема да може да смета на суспендираните Родриго Бентакур и Паоло Дибала.

Според тоа медиумите во Италија најавуваат дека Алегри ќе излезе со фромација 4-2-3-1 или 4-3-3, а во двете варијанти многу веројатно дека во составот ќе се најдат Манџукиќ, Игуаин, Квардадо и Даглас Коста.

Останува да се види дали Матуиди ќе започне од клупата, а се претпоставува дека Бернардески нема да настапи бидејќи не е целосно спремен.

Во овие моменти Реал е на чекор од пласман во полуфиналето и евентуален пресврт во Мадрид би претставувал вистинска сензација.