Токму кога требаше да се врати „во акција“ после повеќемесечната пауза крилниот напаѓач на Барселона, Осман Дембеле зарабтои нова повреда – десетта од кога дојде на „Ноу Камп“.
Французинот се повреди на вчерашниот тренинг, а денес е Барселона објави дека заработил целосна руптура на тетивата во предлот на предната ложа. Поради оваа повреда очекувањата се Дембеле да биде надвор од терените пет или шест месеци (најмалку). Барселона е веќе без првиот шпиц Луис Суарез кој го оперираше коленото и во преодниот рок Каталонците не доведоа квалитетно засилување во нападот.
Кој ќе тепа на Ел Класико!? ↓↓↓
Меѓутоа шпанскиот фудбалски сојуз би можел да и дозволи на Барселона да доведе замена, доколку каталонскиот клуб тоа го побара. Нешто слично се очекува и со Валенсија поради тешката повреда на Езекиел Гарај.
Сепак постојат услови. Замената за повредениот играч мора да биде фудбалер кој е регистриран во Шпанија, значи не смее да биде некој кој игра во друга земја.
Барселона има 20 дена да ја потврди повредата и да испрати барање до сојузот за она што сака да го направи. Потоа медицинскиот комитет ќе има три дена да го прегледа барањето и да одлучи. Ако одговорот биде потврден, Барселона по одобрувањето ќе има 15 дена да донесе засилување.
Учество во игри на среќа е дозволено за лица со 18+ години. Играј одговорно!